lalach se aur jaur-o-jafa se nahin bani

lālach se aur jaur-o-jafā se nahīñ banī

apnī zamīn vaale ḳhudā se nahīñ banī

ḳhushiyoñ ke saath rah na sake ek pal kabhī

ya.anī charāġhiyoñ kī havā se nahīñ banī

sunñe kī had talak use ik baar kyā sunā

kānoñ kī phir kisī bhī sadā se nahīñ banī

apnī anā kī ret pe apne usuul pe

paalā vo dard jis kī davā se nahīñ banī

ham ne isī zamīn pe 'fānī' khilā.e phuul

muddat se jis zamīñ kī ghaTā se nahīñ banī

lalach se aur jaur-o-jafa se nahin bani

apni zamin wale KHuda se nahin bani

KHushiyon ke sath rah na sake ek pal kabhi

yani charaghiyon ki hawa se nahin bani

sunne ki had talak use ek bar kya suna

kanon ki phir kisi bhi sada se nahin bani

apni ana ki ret pe apne usul pe

pala wo dard jis ki dawa se nahin bani

hum ne isi zamin pe 'fani' khilae phul

muddat se jis zamin ki ghaTa se nahin bani