lale paDe hain jaan ke jine ka ehtimam kar

laale paḌe haiñ jaan ke jiine kā ehtimām kar

jin meñ ho kaif-e-zindagī bahr-e-ḳhudā vo kaam kar

taur-e-hayāt se uḌā jazba-e-zīstan kī aag

jab kahīñ jā ke niyat-e-zindagī davām kar

pahle ye soch daam ke toḌne kī sakat bhī hai

baad ko dil meñ ḳhvāhish-e-dāna-e-zer-e-dām kar

tujh ko tirī hī aañkh se dekh rahī hai kā.enāt

baat ye raaz kī nahīñ apnā ḳhud ehtirām kar

haif samajh rahā hai tū apnī jhijak ko mohtasib

mai-kada-e-hayāt meñ shauq se mai-ba-jām kar

naqsh-navī nahīñ hai tū safha-e-rozgār par

miTne se gar nahīñ mafar miT hī ke apnā naam kar

banda-e-ḳhvāhishāt ko kahtā hai kaun abd-e-hur

chāhiye hurriyat agar dil ko 'amīñ' ġhulām kar

lale paDe hain jaan ke jine ka ehtimam kar

jin mein ho kaif-e-zindagi bahr-e-KHuda wo kaam kar

taur-e-hayat se uDa jazba-e-zistan ki aag

jab kahin ja ke niyat-e-zindagi dawam kar

pahle ye soch dam ke toDne ki sakat bhi hai

baad ko dil mein KHwahish-e-dana-e-zer-e-dam kar

tujh ko teri hi aankh se dekh rahi hai kaenat

baat ye raaz ki nahin apna KHud ehtiram kar

haif samajh raha hai tu apni jhijak ko mohtasib

mai-kada-e-hayat mein shauq se mai-ba-jam kar

naqsh-nawi nahin hai tu safha-e-rozgar par

miTne se gar nahin mafar miT hi ke apna nam kar

banda-e-KHwahishat ko kahta hai kaun abd-e-hur

chahiye hurriyat agar dil ko 'amin' ghulam kar