lazim tha ki dekho mera rasta koi din aur
Interesting Fact
Ghalib had seven children but unfortunately none of them lived for more than fifteen months and Ghalib died childless. Due to his loneliness and some other reasons, Ghalib had adopted Zainul Abidin Khan Arif who was his wife's nephew. But at the age of thirty-five, Arif also died, and this mournful ghazal of Ghalib is over the death of Arif is present in his Diwan.
lāzim thā ki dekho mirā rastā koī din aur
tanhā ga.e kyuuñ ab raho tanhā koī din aur
miT jā.egā sar gar tirā patthar na ghisegā
huuñ dar pe tire nāsiya-farsā koī din aur
aa.e ho kal aur aaj hī kahte ho ki jā.ūñ
maanā ki hamesha nahīñ achchhā koī din aur
jaate hue kahte ho qayāmat ko mileñge
kyā ḳhuub qayāmat kā hai goyā koī din aur
haañ ai falak-e-pīr javāñ thā abhī aarif
kyā terā bigaḌtā jo na martā koī din aur
tum māh-e-shab-e-chār-dahum the mire ghar ke
phir kyuuñ na rahā ghar kā vo naqshā koī din aur
tum kaun se the aise khare dād-o-sitad ke
kartā malak-ul-maut taqāzā koī din aur
mujh se tumheñ nafrat sahī nayyar se laḌā.ī
bachchoñ kā bhī dekhā na tamāshā koī din aur
guzrī na ba-har-hāl ye muddat ḳhush o nā-ḳhush
karnā thā javāñ-marg guzārā koī din aur
nādāñ ho jo kahte ho ki kyuuñ jiite haiñ 'ġhālib'
qismat meñ hai marne kī tamannā koī din aur
lazim tha ki dekho mera rasta koi din aur
tanha gae kyun ab raho tanha koi din aur
miT jaega sar gar tera patthar na ghisega
hun dar pe tere nasiya-farsa koi din aur
aae ho kal aur aaj hi kahte ho ki jaun
mana ki hamesha nahin achchha koi din aur
jate hue kahte ho qayamat ko milenge
kya KHub qayamat ka hai goya koi din aur
han ai falak-e-pir jawan tha abhi aarif
kya tera bigaDta jo na marta koi din aur
tum mah-e-shab-e-chaar-dahum the mere ghar ke
phir kyun na raha ghar ka wo naqsha koi din aur
tum kaun se the aise khare dad-o-sitad ke
karta malak-ul-maut taqaza koi din aur
mujh se tumhein nafrat sahi nayyar se laDai
bachchon ka bhi dekha na tamasha koi din aur
guzri na ba-har-haal ye muddat KHush o na-KHush
karna tha jawan-marg guzara koi din aur
nadan ho jo kahte ho ki kyun jite hain 'ghaalib'
qismat mein hai marne ki tamanna koi din aur
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
