lab-e-jaan-baKHsh par jo nala hai

lab-e-jāñ-baḳhsh par jo naalā hai

ab masīhā bhī marne vaalā hai

ḳhuun thūkā mudām sūrat-e-zaḳhm

dil-e-nāsūr ab tak aalā hai

ro rahā huuñ misl-e-abr-e-bahār

doñgḌā meñh kā hai na jhālā hai

vo balā-nosh-e-ranj-o-mehnat huuñ

ġham-e-kaunain ik nivālā hai

har qadam par haiñ saikḌoñ pāmāl

sarkashoñ kā chalan nirālā hai

har mizha par ravāñ haiñ kūdak-e-ashk

nai savāroñ kā yaar saalā hai

ashk-e-ḳhūñ ruuh par haiñ misl-e-shafaq

rañg kis shoḳh ne uchhālā hai

fard-e-a.amāl nek-kārāñ 'shād'

qasr-e-firdaus kā qabāla hai

lab-e-jaan-baKHsh par jo nala hai

ab masiha bhi marne wala hai

KHun thuka mudam surat-e-zaKHm

dil-e-nasur ab tak aala hai

ro raha hun misl-e-abr-e-bahaar

dongDa meinh ka hai na jhaala hai

wo bala-nosh-e-ranj-o-mehnat hun

gham-e-kaunain ek niwala hai

har qadam par hain saikDon pamal

sarkashon ka chalan nirala hai

har mizha par rawan hain kudak-e-ashk

nai sawaron ka yar sala hai

ashk-e-KHun ruh par hain misl-e-shafaq

rang kis shoKH ne uchhaala hai

fard-e-amal nek-karan 'shad'

qasr-e-firdaus ka qabaala hai