lab-e-KHamosh ka bayan hun main

lab-e-ḳhāmosh kā bayāñ huuñ maiñ

kanz-e-maḳhfī hai vo ayaañ huuñ maiñ

mere andar lahū-luhān hai haq

koī karbal sī dāstāñ huuñ maiñ

boltā huuñ maiñ hai zabān us kī

mujh meñ vo hai nihāñ kahāñ huuñ maiñ

pūchh mujh se jo pūchhnā hai tujhe

sirr-e-maḳhfī kā rāz-dāñ huuñ maiñ

jiibh kaaTī alī alī nā rukā

ek mīsam sā be-zabāñ huuñ maiñ

tūr-e-dil jal gayā mirā 'ālam'

ik tajallī kī dāstāñ huuñ maiñ

lab-e-KHamosh ka bayan hun main

kanz-e-maKHfi hai wo ayan hun main

mere andar lahu-luhan hai haq

koi karbal si dastan hun main

bolta hun main hai zaban us ki

mujh mein wo hai nihan kahan hun main

puchh mujh se jo puchhna hai tujhe

sirr-e-maKHfi ka raaz-dan hun main

jibh kaTi ali ali na ruka

ek misam sa be-zaban hun main

tur-e-dil jal gaya mera 'alam'

ek tajalli ki dastan hun main