lab-e-saghar se sun lo zahido taqrir-e-mai-KHana

lab-e-sāġhar se sun lo zāhido taqrīr-e-mai-ḳhāna

shikast-e-tauba hī hai yā na.ī ta.amīr-e-mai-ḳhāna

azal se us pe rahmat hai abad tak us pe rahmat ho

raqam hai ḳhatt-e-jām-e-bāda meñ taqdīr-e-mai-ḳhāna

to kyā ai zāhid-e-ḳhushk us kī azmat jaan saktā hai

qalam se mauj-e-kausar ke khichī tasvīr-e-mai-ḳhāna

ye mai-sajjāda rañgīñ-kun garat pīr-e-muġhāñ goyad

ki dānā-e-rumūz-e-do-jahāñ hai pīr-e-mai-ḳhāna

milā pāoge is kā silsila tasnīm-o-kausar se

bahut tūl-o-tavīl ai shaiḳh hai zanjīr-e-mai-ḳhāna

banā hai shīsha-e-mai sar-ba-sar ā.īna-e-mahshar

barī zohd-o-riyā se hai javān-e-pīr-e-mai-ḳhāna

tū saarī umr ab māthā ragaḌtā rah kaḌā ke kar

na Taale se Tale ai shaiḳh ye ta.azīr-e-mai-ḳhāna

dahā.ī sāqī-e-kausar kī ye haiñ nafs ke bande

jo vasl-e-hūr kī ḳhātir kareñ tahqīr-e-mai-ḳhāna

habāb-e-ḳhat-e-jām-o-qulqul-e-mīnā se sābit hai

vo hai tasbīh-e-mai-ḳhāna ye hai takbīr-e-mai-ḳhāna

girā jo ḳhisht-e-ḳhum par sar lab-e-kausar ne chūmā hai

ki hai taqsīr-e-mai-ḳhāna hī meñ tauqīr-e-mai-ḳhāna

na kyuuñ har qatra-e-mai mehr kī āñkhoñ kā taarā ho

ki barq-e-tūr kī hai ik chamak tanvīr-e-mai-ḳhāna

paḌī hai ik nazar jis par vo be-ḳhud ho gayā 'kaifī'

nigāh-e-mast-e-sāqī meñ hai kyā tāsīr-e-mai-ḳhāna

lab-e-saghar se sun lo zahido taqrir-e-mai-KHana

shikast-e-tauba hi hai ya nai tamir-e-mai-KHana

azal se us pe rahmat hai abad tak us pe rahmat ho

raqam hai KHatt-e-jam-e-baada mein taqdir-e-mai-KHana

to kya ai zahid-e-KHushk us ki azmat jaan sakta hai

qalam se mauj-e-kausar ke khichi taswir-e-mai-KHana

ye mai-sajjada rangin-kun garat pir-e-mughan goyad

ki dana-e-rumuz-e-do-jahan hai pir-e-mai-KHana

mila paoge is ka silsila tasnim-o-kausar se

bahut tul-o-tawil ai shaiKH hai zanjir-e-mai-KHana

bana hai shisha-e-mai sar-ba-sar aaina-e-mahshar

bari zohd-o-riya se hai jawan-e-pir-e-mai-KHana

tu sari umr ab matha ragaDta rah kaDa ke kar

na Tale se Tale ai shaiKH ye tazir-e-mai-KHana

dahai saqi-e-kausar ki ye hain nafs ke bande

jo wasl-e-hur ki KHatir karen tahqir-e-mai-KHana

habab-e-KHat-e-jam-o-qulqul-e-mina se sabit hai

wo hai tasbih-e-mai-KHana ye hai takbir-e-mai-KHana

gira jo KHisht-e-KHum par sar lab-e-kausar ne chuma hai

ki hai taqsir-e-mai-KHana hi mein tauqir-e-mai-KHana

na kyun har qatra-e-mai mehr ki aankhon ka tara ho

ki barq-e-tur ki hai ek chamak tanwir-e-mai-KHana

paDi hai ek nazar jis par wo be-KHud ho gaya 'kaifi'

nigah-e-mast-e-saqi mein hai kya tasir-e-mai-KHana