lab pe kisi ujDi hui jagir ka matam
lab pe kisī ujḌī huī jāgīr kā mātam
har lafz mirā halqa-e-zanjīr kā mātam
dil meñ kahīñ bujhte hue armānoñ kā nauha
āñkhoñ meñ kisī yaad kī tasvīr kā mātam
har soch meñ sañgīn fazāoñ kā fasāna
har fikr meñ shāmil huā tahrīr kā mātam
jab se huā ma.alūm ki ye chāñd hai patthar
kartā huuñ maiñ ab chāñd kī tasḳhīr kā mātam
har harf mirā karb-e-musalsal kī ghuTan meñ
kartā hai mire ḳhāna-e-dil-gīr kā mātam
lab pe kisi ujDi hui jagir ka matam
har lafz mera halqa-e-zanjir ka matam
dil mein kahin bujhte hue armanon ka nauha
aankhon mein kisi yaad ki taswir ka matam
har soch mein sangin fazaon ka fasana
har fikr mein shamil hua tahrir ka matam
jab se hua malum ki ye chand hai patthar
karta hun main ab chand ki tasKHir ka matam
har harf mera karb-e-musalsal ki ghuTan mein
karta hai mere KHana-e-dil-gir ka matam
- Book : Pakistani Adab (Pg. 645)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
