lab pe mere fariyaad nahin hai ai gham-e-duniya ai gham-e-jaanan

lab pe mire fariyād nahīñ hai ai ġham-e-duniyā ai ġham-e-jānāñ

mujh ko kuchh bhī yaad nahīñ hai ai ġham-e-duniyā ai ġham-e-jānāñ

qalb-e-shikasta par jo na guzrī mujh āshufta par jo na biitī

aisī koī uftād nahīñ hai ai ġham-e-duniyā ai ġham-e-jānāñ

thā jo armānoñ kā Derā ārzūoñ kā hasīñ baserā

ab vo makāñ ābād nahīñ hai ai ġham-e-duniyā ai ġham-e-jānāñ

kaisī sub.h kī sard havā.eñ kaisī shaam kī mast fazā.eñ

tā.ir-e-dil āzād nahīñ hai ai ġham-e-duniyā ai ġham-e-jānāñ

ġham kī kashtī khe saktā huuñ sāġhar haath meñ le saktā huuñ

izn-e-dil barbād nahīñ hai ai ġham-e-duniyā ai ġham-e-jānāñ

chhīn liyā hoñToñ kā tabassum ḳhushk kiyā āñkhoñ kā qulzum

kuchh kam ye bedād nahīñ hai ai ġham-e-duniyā ai ġham-e-jānāñ

chheḌ na maazī ke afsāne yaad dilā mat ga.e zamāne

dil 'ābid' kā shaad nahīñ hai ai ġham-e-duniyā ai ġham-e-jānāñ

lab pe mere fariyaad nahin hai ai gham-e-duniya ai gham-e-jaanan

mujh ko kuchh bhi yaad nahin hai ai gham-e-duniya ai gham-e-jaanan

qalb-e-shikasta par jo na guzri mujh aashufta par jo na biti

aisi koi uftad nahin hai ai gham-e-duniya ai gham-e-jaanan

tha jo armanon ka Dera aarzuon ka hasin basera

ab wo makan aabaad nahin hai ai gham-e-duniya ai gham-e-jaanan

kaisi subh ki sard hawaen kaisi sham ki mast fazaen

tair-e-dil aazad nahin hai ai gham-e-duniya ai gham-e-jaanan

gham ki kashti khe sakta hun saghar hath mein le sakta hun

izn-e-dil barbaad nahin hai ai gham-e-duniya ai gham-e-jaanan

chhin liya honTon ka tabassum KHushk kiya aankhon ka qulzum

kuchh kam ye bedad nahin hai ai gham-e-duniya ai gham-e-jaanan

chheD na mazi ke afsane yaad dila mat gae zamane

dil 'abid' ka shad nahin hai ai gham-e-duniya ai gham-e-jaanan