lab taraste hain iltija ke liye

lab taraste haiñ iltijā ke liye

haath uThte nahīñ du'ā ke liye

ham ne tanhā.iyoñ meñ kyā kyā lutf

ek āvāz-e-be-sadā ke liye

vo rahe ham se duur duur to kyā

ham ne bose adā adā ke liye

'ishq kī vus'ateñ ḳhudā kī panāh

hausla chāhiye vafā ke liye

gardisheñ āsmāñ ko haiñ kyā kyā

ik usī ḳhāk-e-zer-e-pā ke liye

phuul ko rang-o-rāmish-o-nik.hat

aur āvārgī sabā ke liye

mujh ko jo chāho nāseho kah lo

kuchh na kahnā use ḳhudā ke liye

lab taraste hain iltija ke liye

hath uThte nahin du'a ke liye

hum ne tanhaiyon mein kya kya lutf

ek aawaz-e-be-sada ke liye

wo rahe hum se dur dur to kya

hum ne bose ada ada ke liye

'ishq ki wus'aten KHuda ki panah

hausla chahiye wafa ke liye

gardishen aasman ko hain kya kya

ek usi KHak-e-zer-e-pa ke liye

phul ko rang-o-ramish-o-nikhat

aur aawargi saba ke liye

mujh ko jo chaho naseho kah lo

kuchh na kahna use KHuda ke liye