laD ke phir aae Dar gae shayad

laḌ ke phir aa.e Dar ga.e shāyad

bigḌe the kuchh sañvar ga.e shāyad

sab pareshāñ dilī meñ shab guzrī

baal us ke bikhar ga.e shāyad

kuchh ḳhabar hotī to na hotī ḳhabar

sūfiyāñ be-ḳhabar ga.e shāyad

haiñ makān o sarā o jā ḳhālī

yaar sab kuuch kar ga.e shāyad

aañkh ā.īna-rū chhupāte haiñ

dil ko le kar mukar ga.e shāyad

lohū āñkhoñ meñ ab nahīñ aatā

zaḳhm ab dil ke bhar ga.e shāyad

ab kahīñ jañgaloñ meñ milte nahīñ

hazrat-e-ḳhizr mar ga.e shāyad

be-kalī bhī qafas meñ hai dushvār

kaam se baal o par ga.e shāyad

shor bāzār se nahīñ uThtā

raat ko 'mīr' ghar ga.e shāyad

laD ke phir aae Dar gae shayad

bigDe the kuchh sanwar gae shayad

sab pareshan dili mein shab guzri

baal us ke bikhar gae shayad

kuchh KHabar hoti to na hoti KHabar

sufiyan be-KHabar gae shayad

hain makan o sara o ja KHali

yar sab kuch kar gae shayad

aankh aaina-ru chhupate hain

dil ko le kar mukar gae shayad

lohu aankhon mein ab nahin aata

zaKHm ab dil ke bhar gae shayad

ab kahin jangalon mein milte nahin

hazrat-e-KHizr mar gae shayad

be-kali bhi qafas mein hai dushwar

kaam se baal o par gae shayad

shor bazar se nahin uThta

raat ko 'mir' ghar gae shayad