lafz be-jaan hain mere ruh-e-maani mujhe de

lafz be-jāñ haiñ mire rūh-e-ma.ānī mujhe de

apnī taḳhlīq se tū koī nishānī mujhe de

terā bhī naam rahe maiñ bhī amar ho jā.ūñ

aisā unvān koī aisī kahānī mujhe de

chal rahī hai baḌī shiddat se yahāñ sard havā

mujh ko bujhne se bachā soz-e-nihānī mujhe de

ye hasīñ peḌ ye ḳhushbū mirī kamzorī hai

din kā sab maal tirā raat kī raanī mujhe de

merā mushkil hai safar tere sahāre ke baġhair

rukne lag jā.ūñ agar maiñ to ravānī mujhe de

is qadar dhāñdlī achchhī nahīñ umr-e-rafta

merā bachpan na sahī merī javānī mujhe de

mujhe andesha hai is bhiiḌ meñ auroñ kī tarah

tū bhī kho jā.egā apnā koī saanī mujhe de

'rām' har ik ke mālik se guzārish hai to ye

saaf lahja mujhe de sāda-bayānī mujhe de

lafz be-jaan hain mere ruh-e-maani mujhe de

apni taKHliq se tu koi nishani mujhe de

tera bhi nam rahe main bhi amar ho jaun

aisa unwan koi aisi kahani mujhe de

chal rahi hai baDi shiddat se yahan sard hawa

mujh ko bujhne se bacha soz-e-nihani mujhe de

ye hasin peD ye KHushbu meri kamzori hai

din ka sab mal tera raat ki rani mujhe de

mera mushkil hai safar tere sahaare ke baghair

rukne lag jaun agar main to rawani mujhe de

is qadar dhandli achchhi nahin umr-e-rafta

mera bachpan na sahi meri jawani mujhe de

mujhe andesha hai is bhiD mein auron ki tarah

tu bhi kho jaega apna koi sani mujhe de

'ram' har ek ke malik se guzarish hai to ye

saf lahja mujhe de sada-bayani mujhe de