lafz ki qaid se riha ho ja

lafz kī qaid se rihā ho jā

aa mirī aañkh se adā ho jā

pheñk de ḳhushk phuul yādoñ ke

zid na kar tū bhī be-vafā ho jā

ḳhushk peḌoñ ko kaTnā paḌtā hai

apne hī ashk pī harā ho jā

chheḌ is habs meñ mahaktī ġhazal

aur dar kholtī havā ho jā

sañg barsā rahe haiñ shahr ke log

tū bhī yuuñ haath uThā duā ho jā

ḳhud ko pahchān idhar udhar na bhaTak

apne markaz pe dā.era ho jā

aur phir ho gayā maiñ ā.īna-rū

us ne ik baar hī kahā ho jā

kahīñ andar se aaj bhī 'tauqīr'

ik sadā aatī hai mirā ho jā

lafz ki qaid se riha ho ja

aa meri aankh se ada ho ja

phenk de KHushk phul yaadon ke

zid na kar tu bhi be-wafa ho ja

KHushk peDon ko kaTna paDta hai

apne hi ashk pi hara ho ja

chheD is habs mein mahakti ghazal

aur dar kholti hawa ho ja

sang barsa rahe hain shahr ke log

tu bhi yun hath uTha dua ho ja

KHud ko pahchan idhar udhar na bhaTak

apne markaz pe daera ho ja

aur phir ho gaya main aaina-ru

us ne ek bar hi kaha ho ja

kahin andar se aaj bhi 'tauqir'

ek sada aati hai mera ho ja