lafz ki tah se ye mafhum talak jati hai
lafz kī tah se ye mafhūm talak jaatī hai
fikr kī aag hai tahrīr kā dam khātī hai
kuchh na kahte hue rakhtā hai asar kahne kā
in havāoñ kā lab-o-lahja tilsmātī hai
mujh ko laa.ī hai ka.ī baar tire kūche tak
ḳhvāb-zāroñ se jo ik raah guzar jaatī hai
ḳhud ko ā.īna banā rakkhā hai jab se meñ ne
zindagī sāmne aate hue sharmātī hai
rañg laa.ī mirī āñkhoñ kī jalan ai 'jāmī'
kūcha-e-shab se ujāloñ kī havā aatī hai
lafz ki tah se ye mafhum talak jati hai
fikr ki aag hai tahrir ka dam khati hai
kuchh na kahte hue rakhta hai asar kahne ka
in hawaon ka lab-o-lahja tilsmati hai
mujh ko lai hai kai bar tere kuche tak
KHwab-zaron se jo ek rah guzar jati hai
KHud ko aaina bana rakkha hai jab se mein ne
zindagi samne aate hue sharmati hai
rang lai meri aankhon ki jalan ai 'jami'
kucha-e-shab se ujalon ki hawa aati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
