lafz-o-mani ke jal bunta hun

lafz-o-ma.anī ke jaal buntā huuñ

kab se ḳhvāb-o-ḳhayāl buntā huuñ

bahr-e-tasḳhīr-e-kā.enāt-e-latīf

fan kā husn-o-jamāl buntā huuñ

hai qalam jo mirā rafīq-e-mudām

us kā jāh-o-jamāl buntā huuñ

tā rahe ābrū-e-kār-e-junūñ

ḳhūñ-shuda dil kā haal buntā huuñ

tāne-bāne hayāt ke har roz

bas-ki be-qīl-o-qāl buntā huuñ

jab se dekhā hai mausamoñ kā zavāl

manzar-e-barshgāl buntā huuñ

lazzat-e-dard tā javān rahe

ārzū-e-visāl buntā huuñ

kirm-e-resham na makḌiyoñ kī misāl

maiñ bayā kī misāl buntā huuñ

lafz-o-mani ke jal bunta hun

kab se KHwab-o-KHayal bunta hun

bahr-e-tasKHir-e-kaenat-e-latif

fan ka husn-o-jamal bunta hun

hai qalam jo mera rafiq-e-mudam

us ka jah-o-jamal bunta hun

ta rahe aabru-e-kar-e-junun

KHun-shuda dil ka haal bunta hun

tane-bane hayat ke har roz

bas-ki be-qil-o-qal bunta hun

jab se dekha hai mausamon ka zawal

manzar-e-barshgal bunta hun

lazzat-e-dard ta jawan rahe

aarzu-e-visal bunta hun

kirm-e-resham na makDiyon ki misal

main baya ki misal bunta hun