lag gae barson jawabaat batane ke liye

lag ga.e barsoñ javābāt batāne ke liye

in ḳhurāfāt ko ghar ghar se haTāne ke liye

kis qadar zahr piyā zabt kiyā hai maiñ ne

jo lagī aag hai siine meñ chhupāne ke liye

aise bhī log bahut saare mileñge tum ko

har ġhalat kaam kiyā naam kamāne ke liye

ḳhūn-e-dil ḳhūn-e-jigar jaan talak nazr kiye

kyā nahīñ de ke ga.e log zamāne ke liye

daao par log lagā dete haiñ har shai apnī

apne dushman ko faqat nīchā dikhāne ke liye

kaun jaatā hai kisī tapte hue sahrā meñ

apnī tanhā.ī kā ik jashn manāne ke liye

koshisheñ jaarī haiñ is daur kī har din ai 'latīf'

jitne jañgal haiñ unheñ shahr banāne ke liye

lag gae barson jawabaat batane ke liye

in KHurafat ko ghar ghar se haTane ke liye

kis qadar zahr piya zabt kiya hai main ne

jo lagi aag hai sine mein chhupane ke liye

aise bhi log bahut sare milenge tum ko

har ghalat kaam kiya nam kamane ke liye

KHun-e-dil KHun-e-jigar jaan talak nazr kiye

kya nahin de ke gae log zamane ke liye

dao par log laga dete hain har shai apni

apne dushman ko faqat nicha dikhane ke liye

kaun jata hai kisi tapte hue sahra mein

apni tanhai ka ek jashn manane ke liye

koshishen jari hain is daur ki har din ai 'latif'

jitne jangal hain unhen shahr banane ke liye