laga hua hai har ek insan use lubhane ki koshishon mein

lagā huā hai har ek insāñ use lubhāne kī koshishoñ meñ

laḌā.ī aapas meñ kar rahā hai bas us ko paane kī koshishoñ meñ

udaas āñkhoñ meñ dikh rahā hai ki baat kuchh to satā rahī hai

magar musalsal lagā huā hai vo muskurāne kī koshishoñ meñ

bas ik dilāse se raat bhar meñ hī bhar gayā ḳhāk-dān puurā

ye āḳhirī kash maiñ pī rahā huuñ tumheñ bhulāne kī koshishoñ meñ

ye kaisā rasta hai tere aur mere darmiyāñ meñ ḳhudā hī jaane

maiñ tujh se aur duur jā rahā huuñ qarīb aane kī koshishoñ meñ

tū shauq se mujh se ruuTh lekin agar manā.ūñ to maan jaanā

kahīñ maiñ ḳhud bhī na ruuTh jā.ūñ tujhe manāne kī koshishoñ meñ

laga hua hai har ek insan use lubhane ki koshishon mein

laDai aapas mein kar raha hai bas us ko pane ki koshishon mein

udas aankhon mein dikh raha hai ki baat kuchh to sata rahi hai

magar musalsal laga hua hai wo muskurane ki koshishon mein

bas ek dilase se raat bhar mein hi bhar gaya KHak-dan pura

ye aaKHiri kash main pi raha hun tumhein bhulane ki koshishon mein

ye kaisa rasta hai tere aur mere darmiyan mein KHuda hi jaane

main tujh se aur dur ja raha hun qarib aane ki koshishon mein

tu shauq se mujh se ruTh lekin agar manaun to man jaana

kahin main KHud bhi na ruTh jaun tujhe manane ki koshishon mein