lage the gham tujhe kis umr mein zamane ke

lage the ġham tujhe kis umr meñ zamāne ke

vahī to din the tire khelne ke khāne ke

na jaane ḳhanda-labī zahr-e-ḳhand kaise huī

vahī hai tū vahī andāz dil dukhāne ke

charāg jaltā huā duur hī se dekh liyā

rahe na ham tirī mahfil meñ aane jaane ke

falak ke paas mohabbat kī ik kiran bhī nahīñ

zamīn kahtī hai muñh khol de ḳhazāne ke

hai shahr shahr vahī jañgaloñ kī vīrānī

mile haiñ mujh ko shab o roz kis zamāne ke

ye qāfile ye chamaktī huī guzargāheñ

haiñ ehtimām bahut duur tak na jaane ke

talāsh-e-rizq meñ ham ne chaman to chhoḌ diyā

magar diloñ meñ haiñ tinke bhī āshiyāne ke

lage the gham tujhe kis umr mein zamane ke

wahi to din the tere khelne ke khane ke

na jaane KHanda-labi zahr-e-KHand kaise hui

wahi hai tu wahi andaz dil dukhane ke

charag jalta hua dur hi se dekh liya

rahe na hum teri mahfil mein aane jaane ke

falak ke pas mohabbat ki ek kiran bhi nahin

zamin kahti hai munh khol de KHazane ke

hai shahr shahr wahi jangalon ki virani

mile hain mujh ko shab o roz kis zamane ke

ye qafile ye chamakti hui guzargahen

hain ehtimam bahut dur tak na jaane ke

talash-e-rizq mein hum ne chaman to chhoD diya

magar dilon mein hain tinke bhi aashiyane ke