lagega na dil tera tanha meri jaan

lagegā na dil terā tanhā mirī jaañ

nahīñ tum ne lekin ye samjhā mirī jaañ

ye ā.īna hairat se taktā hai mujh ko

na jaane kiyā is pe biitā mirī jaañ

ye dil to hai kyā chiiz jaañ tujh ko detī

agar tū kabhī mujh se kahtā mirī jaañ

ki ham tum mileñge kisī bhī janam meñ

kabhī tum ne bhī sochā aisā mirī jaañ

vo sapnā thā yā phir mire paas the tum

koī tum sā mujh meñ thā mahkā mirī jaañ

mirā ishq dariyā ko tai kaise kartā

ghaḌā bhī thā bilkul hī kachchā mirī jaañ

tū ban ke muqaddar kā taara thā chamkā

abhī kal hī shab maiñ ne dekhā mirī jaañ

lagega na dil tera tanha meri jaan

nahin tum ne lekin ye samjha meri jaan

ye aaina hairat se takta hai mujh ko

na jaane kiya is pe bita meri jaan

ye dil to hai kya chiz jaan tujh ko deti

agar tu kabhi mujh se kahta meri jaan

ki hum tum milenge kisi bhi janam mein

kabhi tum ne bhi socha aisa meri jaan

wo sapna tha ya phir mere pas the tum

koi tum sa mujh mein tha mahka meri jaan

mera ishq dariya ko tai kaise karta

ghaDa bhi tha bilkul hi kachcha meri jaan

tu ban ke muqaddar ka tara tha chamka

abhi kal hi shab main ne dekha meri jaan