lagta hai bahr-e-shab baDa pur-ab dekhna

lagtā hai bahr-e-shab baḌā pur-āb dekhnā

tum ko Dubo na de kahīñ ye ḳhvāb dekhnā

sarsabz kar lo khetiyāñ ehsās kī zarā

hai pur-faroġh fikr kā mahtāb dekhnā

ġham kā labāda oḌh ke aao na tum idhar

har barg-e-gul chaman kā hai shādāb dekhnā

yādoñ ke sabz paude ugāne do mujh ko tum

kisht-e-umīd ke haiñ ye asbāb dekhnā

rakhnā qadam chaman meñ ḳhizāñ dekh-bhāl kar

dariyā-e-rang-o-bū meñ hai girdāb dekhnā

poshīda lafz lafz meñ hai dāstān-e-karb

'qudsī' kitāb-e-zīst kā har baab dekhnā

lagta hai bahr-e-shab baDa pur-ab dekhna

tum ko Dubo na de kahin ye KHwab dekhna

sarsabz kar lo khetiyan ehsas ki zara

hai pur-farogh fikr ka mahtab dekhna

gham ka labaada oDh ke aao na tum idhar

har barg-e-gul chaman ka hai shadab dekhna

yaadon ke sabz paude ugane do mujh ko tum

kisht-e-umid ke hain ye asbab dekhna

rakhna qadam chaman mein KHizan dekh-bhaal kar

dariya-e-rang-o-bu mein hai girdab dekhna

poshida lafz lafz mein hai dastan-e-karb

'qudsi' kitab-e-zist ka har bab dekhna