lagta hai duniya ko lagta Thik nahin

lagtā hai duniyā ko lagtā Thiik nahīñ

saath tumhārā aur hamārā Thiik nahīñ

ashk chhupā kar aañkh meñ hañsnā Thiik nahīñ

ya.anī dil hī dil meñ ronā Thiik nahīñ

kaun hai jhūTā kaun hai sachchā Thiik nahīñ

be-jāne ye ham ko kahnā Thiik nahīñ

jo jaisā hai duniyā us ke liye vaisī

kyuuñ kahte ho yaar ye duniyā Thiik nahīñ

dil kī baat ko dil meñ rakhnā achchhā hai

dil kī baat zabāñ par laanā Thiik nahīñ

maiñ ne maanā maiñ barbād-e-mohabbat huuñ

lekin barbādī kā charchā Thiik nahīñ

merī nazar meñ us se baḌā hamdard nahīñ

jis ne kahā thā dil kā lagānā Thiik nahīñ

jis se kisī kī dil-āzārī ho 'āsim'

bhuul ke aisī bāteñ karnā Thiik nahīñ

lagta hai duniya ko lagta Thik nahin

sath tumhaara aur hamara Thik nahin

ashk chhupa kar aankh mein hansna Thik nahin

yani dil hi dil mein rona Thik nahin

kaun hai jhuTa kaun hai sachcha Thik nahin

be-jaane ye hum ko kahna Thik nahin

jo jaisa hai duniya us ke liye waisi

kyun kahte ho yar ye duniya Thik nahin

dil ki baat ko dil mein rakhna achchha hai

dil ki baat zaban par lana Thik nahin

main ne mana main barbaad-e-mohabbat hun

lekin barbaadi ka charcha Thik nahin

meri nazar mein us se baDa hamdard nahin

jis ne kaha tha dil ka lagana Thik nahin

jis se kisi ki dil-azari ho 'asim'

bhul ke aisi baaten karna Thik nahin