laghzish-e-saqi-e-mai-KHana KHuda KHair kare
laġhzish-e-sāqī-e-mai-ḳhāna ḳhudā ḳhair kare
phir na TuuTe koī paimāna ḳhudā ḳhair kare
har ghaḌī jalva-e-jānāna ḳhudā ḳhair kare
terā dil hai ki sanam-ḳhāna ḳhudā ḳhair kare
log kar Dāleñ na ḳhud apne jigar ke TukḌe
be-naqāb un kā chale aanā ḳhudā ḳhair kare
dil kī baat un se abhī kah to ga.e ho lekin
koī ban jaa.e na afsāna ḳhudā ḳhair kare
sham' bechain hai badnām na ho jā.ūñ kahīñ
par jalā baiThā hai parvāna ḳhudā ḳhair kare
kaun guzregā tire dār-o-rasan se hañs kar
ġham hai jaane kahāñ dīvāna ḳhudā ḳhair kare
paañv uThte hī nahīñ 'shauq' jabīñ hai betāb
sāmne hai dar-e-jānāna ḳhudā ḳhair kare
laghzish-e-saqi-e-mai-KHana KHuda KHair kare
phir na TuTe koi paimana KHuda KHair kare
har ghaDi jalwa-e-jaanana KHuda KHair kare
tera dil hai ki sanam-KHana KHuda KHair kare
log kar Dalen na KHud apne jigar ke TukDe
be-naqab un ka chale aana KHuda KHair kare
dil ki baat un se abhi kah to gae ho lekin
koi ban jae na afsana KHuda KHair kare
sham' bechain hai badnam na ho jaun kahin
par jala baiTha hai parwana KHuda KHair kare
kaun guzrega tere dar-o-rasan se hans kar
gham hai jaane kahan diwana KHuda KHair kare
panw uThte hi nahin 'shauq' jabin hai betab
samne hai dar-e-jaanana KHuda KHair kare
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
