lahra rahi hain khet mein gandum ki baaliyan

lahrā rahī haiñ khet meñ gandum kī bāliyāñ

aur pahre par bijoke haiñ le kar do-nāliyāñ

rū-e-suḳhan hai us kā ḳharīdār kī taraf

qassāb de rahā hai jo billī ko gāliyāñ

ḳhanjar utaar degā jamūre ke peT meñ

būḌhe javān bachche bajā.eñge tāliyāñ

juute nikāltī haiñ adab se tavā.ifeñ

lekin phaTe jurāboñ pe hañstī haiñ sāliyāñ

buuTā sā tan thā pahlū meñ aur kunDalī maar ke

siine pe saañp jaisī thiiñ bāhoñ kī Dāliyāñ

utrī tamām raat mire tan kī aartī

mehñdī lage vo haath the phūloñ kī Dāliyāñ

vallāh aqīdat aaj bhī hai merā scene se

ham ko bahut pasand haiñ bañgāl vāliyāñ

louñDoñ kī ThoḌiyoñ pe jo sabza ugā 'shafaq'

kis kaam kī rahī haiñ ye chehroñ kī lāliyāñ

lahra rahi hain khet mein gandum ki baaliyan

aur pahre par bijoke hain le kar do-naliyan

ru-e-suKHan hai us ka KHaridar ki taraf

qassab de raha hai jo billi ko galiyan

KHanjar utar dega jamure ke peT mein

buDhe jawan bachche bajaenge taliyan

jute nikalti hain adab se tawaifen

lekin phaTe jurabon pe hansti hain saliyan

buTa sa tan tha pahlu mein aur kunDali mar ke

sine pe sanp jaisi thin bahon ki Daliyan

utri tamam raat mere tan ki aarti

mehndi lage wo hath the phulon ki Daliyan

wallah aqidat aaj bhi hai mera scene se

hum ko bahut pasand hain bangal waliyan

lounDon ki ThoDiyon pe jo sabza uga 'shafaq'

kis kaam ki rahi hain ye chehron ki laliyan