lahraata hai KHwab sa aanchal aur main likhta jata hun
lahrātā hai ḳhvāb sā āñchal aur maiñ likhtā jaatā huuñ
palkeñ niiñd se bojhal aur maiñ likhtā jaatā huuñ
jaise mere kaan meñ koī chupke chupke kahtā hai
ishq junūñ hai ishq hai pāgal aur maiñ likhtā jaatā huuñ
chhoTī chhoTī baat pe us kī āñkheñ bhar bhar aatī haiñ
phailtā rahtā hai phir kājal aur maiñ likhtā jaatā huuñ
aañkh meñ us ke aks kī aahaT dastak detī rahtī hai
bhar jaatī hai ashk se chhāgal aur maiñ likhtā jaatā huuñ
maddham maddham saañs kī ḳhush-bū mīThe mīThe dard kī aañch
rah rah ke kartī hai bekal aur maiñ likhtā jaatā huuñ
dhīme suroñ meñ dard kā panchhī apnī dhun meñ gaatā hai
pyāsī rūheñ pyaas kā jañgal aur maiñ likhtā jaatā huuñ
us ke pyaar kī būñdeñ Tip Tip dil meñ girtī rahtī haiñ
narm gudāz o shoḳh o chanchal aur maiñ likhtā jaatā huuñ
lahraata hai KHwab sa aanchal aur main likhta jata hun
palken nind se bojhal aur main likhta jata hun
jaise mere kan mein koi chupke chupke kahta hai
ishq junun hai ishq hai pagal aur main likhta jata hun
chhoTi chhoTi baat pe us ki aankhen bhar bhar aati hain
phailta rahta hai phir kajal aur main likhta jata hun
aankh mein us ke aks ki aahaT dastak deti rahti hai
bhar jati hai ashk se chhagal aur main likhta jata hun
maddham maddham sans ki KHush-bu miThe miThe dard ki aanch
rah rah ke karti hai bekal aur main likhta jata hun
dhime suron mein dard ka panchhi apni dhun mein gata hai
pyasi ruhen pyas ka jangal aur main likhta jata hun
us ke pyar ki bunden Tip Tip dil mein girti rahti hain
narm gudaz o shoKH o chanchal aur main likhta jata hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
