lamha lamha shor sa barpa hua achchha laga
lamha lamha shor sā barpā huā achchhā lagā
ḳhāmushī kī taan TuuTī vāhima achchhā lagā
āñkhoñ āñkhoñ meñ huā ik hādisa achchhā lagā
milne vaale kyuuñ tujhe ye fāsla achchhā lagā
kaun jaane kaun būjhe dāstāñ-dar-dāstāñ
kuchh havā kā kuchh diye kā hausla achchhā lagā
jaan kī baazī lagā dī bhed ke khulne talak
ishq vāloñ ko hamārā falsafa achchhā lagā
ik pahelī ko musalsal sochtā huuñ to mujhe
bā-vafā achchhā lagā ki bevafā achchhā lagā
lutf-e-manzil hausloñ se aa lagā thā gaam gaam
tū safar meñ saath thā to rāsta achchhā lagā
umr kī uktāhaTeñ aur dard ke pahlū tamām
jab se 'khullar' tū milā hai aa.ina achchhā lagā
lamha lamha shor sa barpa hua achchha laga
KHamushi ki tan TuTi wahima achchha laga
aankhon aankhon mein hua ek hadisa achchha laga
milne wale kyun tujhe ye fasla achchha laga
kaun jaane kaun bujhe dastan-dar-dastan
kuchh hawa ka kuchh diye ka hausla achchha laga
jaan ki bazi laga di bhed ke khulne talak
ishq walon ko hamara falsafa achchha laga
ek paheli ko musalsal sochta hun to mujhe
ba-wafa achchha laga ki bewafa achchha laga
lutf-e-manzil hauslon se aa laga tha gam gam
tu safar mein sath tha to rasta achchha laga
umr ki uktahaTen aur dard ke pahlu tamam
jab se 'khullar' tu mila hai aaina achchha laga
- Book : Khwaab Palkon Mein (Pg. 76)
- Author : Vishal Khullar
- Publication : Insha Publications (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
