larzish-e-parda-e-izhaar ka matlab kya hai
larzish-e-parda-e-iz.hār kā matlab kyā hai
hai ye dīvār to dīvār kā matlab kyā hai
jis kā inkār hathelī pe liye phirtā huuñ
jāntā hī nahīñ inkār kā matlab kyā hai
ek baar us ne agar de hī diyā saaf javāb
phir usī baat pe isrār kā matlab kyā hai
bechnā kuchh nahīñ is ne to ḳharīdār haiñ kyuuñ
āḳhir is garmi-e-bāzār kā matlab kyā hai
us kī rāhoñ meñ bikhar jaa.e ye ḳhākistar-e-chashm
aur apne liye dīdār kā matlab kyā hai
rabt baaqī nahīñ alfāz o ma.ānī meñ 'zafar'
kyā kaheñ us se ki is pyaar kā matlab kyā hai
larzish-e-parda-e-izhaar ka matlab kya hai
hai ye diwar to diwar ka matlab kya hai
jis ka inkar hatheli pe liye phirta hun
jaanta hi nahin inkar ka matlab kya hai
ek bar us ne agar de hi diya saf jawab
phir usi baat pe israr ka matlab kya hai
bechna kuchh nahin is ne to KHaridar hain kyun
aaKHir is garmi-e-bazar ka matlab kya hai
us ki rahon mein bikhar jae ye KHakistar-e-chashm
aur apne liye didar ka matlab kya hai
rabt baqi nahin alfaz o maani mein 'zafar'
kya kahen us se ki is pyar ka matlab kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
