latafat be-kasafat jalwa paida kar nahin sakti

latāfat be-kasāfat jalva paidā kar nahīñ saktī

chaman zañgār hai ā.īna-e-bād-e-bahārī kā

harīf-e-joshish-e-dariyā nahīñ ḳhuddārī-e-sāhil

jahāñ saaqī ho tū bātil hai da.avā hoshiyārī kā

bahār-e-rañg-e-ḳhūn-e-gul hai sāmāñ ashk-bārī kā

junūn-e-barq nashtar hai rag-e-abr-e-bahārī kā

barā-e-hall-e-mushkil huuñ zi-pā uftāda-e-hasrat

bañdhā hai uqda-e-ḳhātir se paimāñ ḳhāksārī kā

ba-vaqt-e-sar-nigūnī hai tasavvur intizāristāñ

nigah ko ābloñ se shaġhl hai aḳhtar-shumārī kā

'asad' sāġhar-kash-e-taslīm ho gardish se gardūñ kī

ki nañg-e-fahm-e-mastāñ hai gila bad-rozg-ārī kā

latafat be-kasafat jalwa paida kar nahin sakti

chaman zangar hai aaina-e-baad-e-bahaari ka

harif-e-joshish-e-dariya nahin KHuddari-e-sahil

jahan saqi ho tu baatil hai dawa hoshiyari ka

bahaar-e-rang-e-KHun-e-gul hai saman ashk-bari ka

junun-e-barq nashtar hai rag-e-abr-e-bahaari ka

bara-e-hall-e-mushkil hun zi-pa uftada-e-hasrat

bandha hai uqda-e-KHatir se paiman KHaksari ka

ba-waqt-e-sar-niguni hai tasawwur intizaristan

nigah ko aablon se shaghl hai aKHtar-shumari ka

'asad' saghar-kash-e-taslim ho gardish se gardun ki

ki nang-e-fahm-e-mastan hai gila bad-rozg-ari ka