le teri aawaz ko qaid-e-samaat kar liya

le tirī āvāz ko qaid-e-samā.at kar liyā

haañ ġhazal ke ruup ko aks-e-tabā.at kar liyā

bhīgtī is shaam meñ us ne pukārā hai mujhe

lag rahā hai jis tarah hajj-e-mohabbat kar liyā

sochtā huuñ us se pūchhūñ jān-e-'safdar' kis liye

aam se ik aadmī ko apnī aadat kar liyā

aaj phir shānoñ pe bikhrī zulf hai allāh ḳhair

lag rahā hai aaj phir ahd-e-baġhāvat kar liyā

rāt-din rahtā hai us ko apnī chāhat kā ḳhayāl

us ne ḳhud ko is tarah vaqf-e-ibādat kar liyā

kar liyā hai shab kī tanhā.ī meñ milne kā ḳhayāl

muskurāhaT ko tirī radd-e-adāvat kar liyā

is kitāb-e-ishq kī takmīl 'safdar' ho ga.ī

us ne barsoñ baad iz.hār-e-mohabbat kar liyā

le teri aawaz ko qaid-e-samaat kar liya

han ghazal ke rup ko aks-e-tabaat kar liya

bhigti is sham mein us ne pukara hai mujhe

lag raha hai jis tarah hajj-e-mohabbat kar liya

sochta hun us se puchhun jaan-e-'safdar' kis liye

aam se ek aadmi ko apni aadat kar liya

aaj phir shanon pe bikhri zulf hai allah KHair

lag raha hai aaj phir ahd-e-baghawat kar liya

raat-din rahta hai us ko apni chahat ka KHayal

us ne KHud ko is tarah waqf-e-ibaadat kar liya

kar liya hai shab ki tanhai mein milne ka KHayal

muskurahaT ko teri radd-e-adawat kar liya

is kitab-e-ishq ki takmil 'safdar' ho gai

us ne barson baad izhaar-e-mohabbat kar liya