libas gard ka aur jism nur ka nikla

libās gard kā aur jism nuur kā niklā

tamām vahm hī apne shu.ūr kā niklā

jo apne aap se baḌh kar hamārā apnā thā

use qarīb se dekhā to duur kā niklā

badan ke paar utarte hī khul ga.iiñ āñkheñ

surāġh tere sarāpā se tuur kā niklā

sabhī nishāniyāñ us shaḳhs par kharī utrīñ

jo bhuul kar bhī kabhī zikr huur kā niklā

uThe jo haath mirī sañgsāriyoñ ke liye

har ek dast-e-ināyat huzūr kā niklā

na-jāne bhuul gayā kaun kab kahāñ likh kar

miTā sā naqsh maiñ bainassutūr kā niklā

jo daana daana fanā fasl-e-ārzū kā huā

tamām fitna malaḳh aur mor kā niklā

giraft-e-fan se na āzād ho sakā 'shādāb'

ḳhayāl-e-tāza karishma bahūr kā niklā

libas gard ka aur jism nur ka nikla

tamam wahm hi apne shuur ka nikla

jo apne aap se baDh kar hamara apna tha

use qarib se dekha to dur ka nikla

badan ke par utarte hi khul gain aankhen

suragh tere sarapa se tur ka nikla

sabhi nishaniyan us shaKHs par khari utrin

jo bhul kar bhi kabhi zikr hur ka nikla

uThe jo hath meri sangsariyon ke liye

har ek dast-e-inayat huzur ka nikla

na-jaane bhul gaya kaun kab kahan likh kar

miTa sa naqsh main bainassutur ka nikla

jo dana dana fana fasl-e-arzu ka hua

tamam fitna malaKH aur mor ka nikla

giraft-e-fan se na aazad ho saka 'shadab'

KHayal-e-taza karishma bahur ka nikla