likhe the humne jo ashkon ki raushnai se

likhe the ham ne jo ashkoñ kī raushnā.ī se

vo ishq ke bhī maqālāt qīmtī haiñ bahut

inhī se hotī hai me'rāj ishq ko hāsil

ye dard aur ye jazbāt qīmtī haiñ bahut

nisāb-e-'ishq meñ pūchhe ga.e haiñ jo aksar

javāb chhoḌo savālāt qīmtī haiñ bahut

hamāre jiine kī Dhāras yahī bañdhātī haiñ

tumhārī yādoñ kī bārāt qīmtī haiñ bahut

vo jis ke ḳhvāb meñ dīdār un kā ho jaa.e

qasam ḳhudā kī vahī raat qīmtī hai bahut

vo bol de to sabhī kuchh luTā ke ham rakh deñ

ye sach hai un kī har ik baat qīmtī hai bahut

hamāre ashk yahāñ haisiyat nahīñ rakhte

tumhāre ashkoñ kī sauġhāt qīmtī hai bahut

vo lamhe jin meñ hameñ yaad aap aa jaa.e

vahī hayāt ke lamhāt qīmtī haiñ bahut

ye jab bhī aate haiñ ashkoñ ko saath laate haiñ

ye ashk aur ye barsāt qīmtī haiñ bahut

likhe the hum ne jo ashkon ki raushnai se

wo ishq ke bhi maqalat qimti hain bahut

inhi se hoti hai me'raj ishq ko hasil

ye dard aur ye jazbaat qimti hain bahut

nisab-e-'ishq mein puchhe gae hain jo aksar

jawab chhoDo sawalat qimti hain bahut

hamare jine ki Dhaaras yahi bandhati hain

tumhaari yaadon ki baraat qimti hain bahut

wo jis ke KHwab mein didar un ka ho jae

qasam KHuda ki wahi raat qimti hai bahut

wo bol de to sabhi kuchh luTa ke hum rakh den

ye sach hai un ki har ek baat qimti hai bahut

hamare ashk yahan haisiyat nahin rakhte

tumhaare ashkon ki saughat qimti hai bahut

wo lamhe jin mein hamein yaad aap aa jae

wahi hayat ke lamhat qimti hain bahut

ye jab bhi aate hain ashkon ko sath late hain

ye ashk aur ye barsat qimti hain bahut