likkhi jab aasman ne taqdir KHak ki

likkhī jab āsmān ne taqdīr ḳhaak kī

mujh ko tamām sauñp dī jāgīr ḳhaak kī

bhāte nahīñ haiñ aañkh ko merī ye tāj-o-taḳht

jaatī nahīñ vajūd se tāsīr ḳhaak kī

par khol to diye mire sayyād ne magar

paañv meñ Daal dī mire zanjīr ḳhaak kī

aanā hai us kī qaid meñ har ik vajūd ne

lagnī hai har vajūd pe ta.azīr ḳhaak kī

lo ḳhāksārī se bhī maiñ aage nikal gayā

lo ban gayā huuñ aaj maiñ tasvīr ḳhaak kī

likkhi jab aasman ne taqdir KHak ki

mujh ko tamam saunp di jagir KHak ki

bhate nahin hain aankh ko meri ye taj-o-taKHt

jati nahin wajud se tasir KHak ki

par khol to diye mere sayyaad ne magar

panw mein Dal di mere zanjir KHak ki

aana hai us ki qaid mein har ek wajud ne

lagni hai har wajud pe tazir KHak ki

lo KHaksari se bhi main aage nikal gaya

lo ban gaya hun aaj main taswir KHak ki