lipaT kar so raha hun lazzat-e-dard-e-mohabbat se

lipaT kar so rahā huuñ lazzat-e-dard-e-mohabbat se

ye ishrat ba.ad-e-murdan ḳhaak meñ miltī hai qismat se

sarāpā sher-o-naġhma ban gayā kis kī ināyat se

mirā dil ab ibārat hai mohabbat hī mohabbat se

vo firdaus-e-barīñ dar-asl dozaḳh se bhī bad-tar hai

jo hāsil kī ga.ī ho ġhair ke lutf-o-ināyat se

agar furqat hī furqat ho to phir furqat nahīñ rahtī

maiñ tere vasl kā bhī lutf uThā letā huuñ furqat se

tamanna hai ki rahne de yahī ehsās vo mujh meñ

ki ik maiñ hī faqat mahrūm huuñ us kī ināyat se

ye duniyā se alag rahnā bhī kuchh achchhā nahīñ 'zāhid'

baġhāvat hai ye manshā-e-ilāhī kī itā.at se

sharārat kuchh unhīñ us kī samt se hotī nahīñ tanhā

mujhe bhī fitratan kuchh unsiyat sī hai sharārat se

mujhe to but-kade hī meñ ḳhudā bhī mil gayā zāhid

musalmāñ ho gayā huuñ maiñ isī kufr-e-mohabbat meñ

ye 'anvar' kaun sī duniyā meñ khoyā hai ki ḳhud us ko

sunā hai aap apnī justujū hai ek muddat se

lipaT kar so raha hun lazzat-e-dard-e-mohabbat se

ye ishrat baad-e-murdan KHak mein milti hai qismat se

sarapa sher-o-naghma ban gaya kis ki inayat se

mera dil ab ibarat hai mohabbat hi mohabbat se

wo firdaus-e-barin dar-asl dozaKH se bhi bad-tar hai

jo hasil ki gai ho ghair ke lutf-o-inayat se

agar furqat hi furqat ho to phir furqat nahin rahti

main tere wasl ka bhi lutf uTha leta hun furqat se

tamanna hai ki rahne de yahi ehsas wo mujh mein

ki ek main hi faqat mahrum hun us ki inayat se

ye duniya se alag rahna bhi kuchh achchha nahin 'zahid'

baghawat hai ye mansha-e-ilahi ki itaat se

shararat kuchh unhin us ki samt se hoti nahin tanha

mujhe bhi fitratan kuchh unsiyat si hai shararat se

mujhe to but-kade hi mein KHuda bhi mil gaya zahid

musalman ho gaya hun main isi kufr-e-mohabbat mein

ye 'anwar' kaun si duniya mein khoya hai ki KHud us ko

suna hai aap apni justuju hai ek muddat se