lo aaftab ne sab KHatm iKHtilaf kiya

lo āftāb ne sab ḳhatm iḳhtilāf kiyā

dhuāñ dhuāñ the jo manzar sabhī ko saaf kiyā

shafaq kā laal dupaTTā oḌhā ke vaadī ko

vajūd-e-ishq kā sūraj ne e'tirāf kiyā

kisī ḳhayāl meñ ġharqāb garm sāñsoñ ne

dabī huī kisī hasrat kā inkishāf kiyā

ik ābshār keī shaffāf narm halchal ne

kamāl kar diyā sañg-e-badan shigāf kiyā

ki bāzgasht to jaarī hai in ghaTāoñ keī

pa bārishoñ ne kahāñ jā ke etakāf kiyā

ghaTā ne chāñd kā ghūñghaT sañvārne ke liye

hisār-e-nūr meñ sau martaba tavāf kiyā

tumhāre ḳhauf se ham muñh chhupā.e phirte haiñ

ye raushnī se añdheroñ ne e'tirāf kiyā

lo aaftab ne sab KHatm iKHtilaf kiya

dhuan dhuan the jo manzar sabhi ko saf kiya

shafaq ka lal dupaTTa oDha ke wadi ko

wajud-e-ishq ka suraj ne e'tiraf kiya

kisi KHayal mein gharqab garm sanson ne

dabi hui kisi hasrat ka inkishaf kiya

ek aabshaar kei shaffaf narm halchal ne

kamal kar diya sang-e-badan shigaf kiya

ki bazgasht to jari hai in ghaTaon kei

pa barishon ne kahan ja ke etakaf kiya

ghaTa ne chand ka ghunghaT sanwarne ke liye

hisar-e-nur mein sau martaba tawaf kiya

tumhaare KHauf se hum munh chhupae phirte hain

ye raushni se andheron ne e'tiraf kiya