lo faqiron ki dua har tarah aabaad raho

lo faqīroñ kī duā har tarah ābād raho

ḳhud raho maujeñ karo taaze raho shaad raho

aire-ġhaire vo jo hoñ shauq se chaT kar lo unheñ

par ḳhudā vāloñ kī karte hue imdād raho

qumrī-e-bāġh-e-bahisht ab jo ye be-fāḳhta haiñ

unheñ bhī kah do ki tum sarv se āzād raho

diid us kī hai karo jis ne banāyā sab kuchh

na ki har lahza fidā-e-gul-o-shamshād raho

daam meñ se jo chhuTe haiñ unheñ ye hukm huā

ki bas ab gard-e-dar-e-ḳhāna-e-sayyād raho

jā ke auroñ se bado yād-farāmosh vale

ḳhud-farāmoshoñ ko maulā mirī tum yaad raho

sūrat aave jo nazar khīñch lo us kī tasvīr

apne is vaqt ke tum mānī-o-bahzād raho

chaman-e-amn-o-amāñ ke tumheñ ho sair-nasīb

sā.īñ allāh sadā bar-sar-e-irshād raho

aish-o-ishrat karo har vaqt tum 'inshā-allāh'

husn chamkā.e phiro sab meñ parī-zād raho

lo faqiron ki dua har tarah aabaad raho

KHud raho maujen karo taze raho shad raho

aire-ghaire wo jo hon shauq se chaT kar lo unhen

par KHuda walon ki karte hue imdad raho

qumri-e-bagh-e-bahisht ab jo ye be-faKHta hain

unhen bhi kah do ki tum sarw se aazad raho

did us ki hai karo jis ne banaya sab kuchh

na ki har lahza fida-e-gul-o-shamshad raho

dam mein se jo chhuTe hain unhen ye hukm hua

ki bas ab gard-e-dar-e-KHana-e-sayyaad raho

ja ke auron se bado yaad-faramosh wale

KHud-faramoshon ko maula meri tum yaad raho

surat aawe jo nazar khinch lo us ki taswir

apne is waqt ke tum mani-o-bahzad raho

chaman-e-amn-o-aman ke tumhein ho sair-nasib

sain allah sada bar-sar-e-irshad raho

aish-o-ishrat karo har waqt tum 'insha-allah'

husn chamkae phiro sab mein pari-zad raho