lo hum mariz-e-ishq ke bimar-dar hain

lo ham marīz-e-'ishq ke bīmār-dār haiñ

achchhā agar na ho to masīhā kā kyā ‘ilāj

jumbish-e-har-barg se hai gul ke lab ko iḳhtilāj

hubb-e-shabnam se sabā har sub.h kartī hai ‘ilāj

shāḳh-e-gul jumbish meñ hai gahvāra-āsā har nafas

tifl-e-shoḳh-e-ġhuncha-e-gul bas-ki hai vahshī-mizāj

sair-e-mulk-e-husn kar mai-ḳhāna-hā nazr-e-ḳhumār

chashm-e-mast-e-yār se hai gardan-e-mīnā pe baaj

girya-hā-e-be-dilāñ ganj-e-sharar dar-āstīñ

qahrmān-e-'ishq meñ hasrat se lete haiñ ḳhirāj

rañgrez-e-jism-o-jāñ ne az-ḳhumistān-e-'adam

ḳhirqa-e-hastī nikālā hai ba-rañg-e-ehtiyāj

hai savād-e-chashm-e-qurbānī meñ yak-ālam muqīm

hasrat-e-fursat jahāñ detī hai hairat ko rivāj

ai 'asad' hai musta'id shāna-e-gesū shudan

panja-e-mizhgāñ ba-ḳhud bālīdanī rakhtā hai aaj

lo hum mariz-e-'ishq ke bimar-dar hain

achchha agar na ho to masiha ka kya ‘ilaj

jumbish-e-har-barg se hai gul ke lab ko iKHtilaj

hubb-e-shabnam se saba har subh karti hai ‘ilaj

shaKH-e-gul jumbish mein hai gahwara-asa har nafas

tifl-e-shoKH-e-ghuncha-e-gul bas-ki hai wahshi-mizaj

sair-e-mulk-e-husn kar mai-KHana-ha nazr-e-KHumar

chashm-e-mast-e-yar se hai gardan-e-mina pe baj

girya-ha-e-be-dilan ganj-e-sharar dar-astin

qahrman-e-'ishq mein hasrat se lete hain KHiraj

rangrez-e-jism-o-jaan ne az-KHumistan-e-'adam

KHirqa-e-hasti nikala hai ba-rang-e-ehtiyaj

hai sawad-e-chashm-e-qurbani mein yak-alam muqim

hasrat-e-fursat jahan deti hai hairat ko riwaj

ai 'asad' hai musta'id shana-e-gesu shudan

panja-e-mizhgan ba-KHud baalidani rakhta hai aaj