log jab jab teri aankhon mein KHuda dekhte hain

log jab jab tirī āñkhoñ meñ ḳhudā dekhte haiñ

ham dar-e-makr sabhī ḳhalq pe vā dekhte haiñ

chand paisoñ ke sivā husn-o-takalluf ke binā

aur ab ishq-o-ḳharābāt meñ kyā dekhte haiñ

ishq meñ kaisī rivāyat hai ki sab ke āshiq

dard ḳhud dete haiñ phir sū-e-davā dekhte haiñ

ḳhvāh-maḳhvāh dete haiñ dushnām zamāne vaale

jab bhī majnūñ kisī lailā pe fidā dekhte haiñ

vasl ke ba.ad milī hijr kī is vahshat meñ

ham kabhī tum ko kabhī bād-e-sabā dekhte haiñ

log jab jab teri aankhon mein KHuda dekhte hain

hum dar-e-makr sabhi KHalq pe wa dekhte hain

chand paison ke siwa husn-o-takalluf ke bina

aur ab ishq-o-KHarabaat mein kya dekhte hain

ishq mein kaisi riwayat hai ki sab ke aashiq

dard KHud dete hain phir su-e-dawa dekhte hain

KHwah-maKHwah dete hain dushnam zamane wale

jab bhi majnun kisi laila pe fida dekhte hain

wasl ke baad mili hijr ki is wahshat mein

hum kabhi tum ko kabhi baad-e-saba dekhte hain