log to log hain logon ki tarah dekhte hain
log to log haiñ logoñ kī tarah dekhte haiñ
aur ham haiñ tujhe bachchoñ kī tarah dekhte haiñ
ham ko duniyā ne lakaḌhārā samajh rakkhā hai
ham to peḌoñ ko parindoñ kī tarah dekhte haiñ
maiñ jo dekhūñ to jhapaktī nahīñ āñkheñ merī
aur hazrat mujhe andhoñ kī tarah dekhte haiñ
tum to phir ġhair ho tum se to shikāyat kaisī
mere apne mujhe ġhairoñ kī tarah dekhte haiñ
terā dīdār qazā hotā nahīñ hai ham se
ham tujhe farz namāzoñ kī tarah dekhte haiñ
log to log hain logon ki tarah dekhte hain
aur hum hain tujhe bachchon ki tarah dekhte hain
hum ko duniya ne lakaDhaara samajh rakkha hai
hum to peDon ko parindon ki tarah dekhte hain
main jo dekhun to jhapakti nahin aankhen meri
aur hazrat mujhe andhon ki tarah dekhte hain
tum to phir ghair ho tum se to shikayat kaisi
mere apne mujhe ghairon ki tarah dekhte hain
tera didar qaza hota nahin hai hum se
hum tujhe farz namazon ki tarah dekhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
