lutf wo ishq mein pae hain ki ji jaanta hai
lutf vo ishq meñ paa.e haiñ ki jī jāntā hai
rañj bhī aise uThā.e haiñ ki jī jāntā hai
jo zamāne ke sitam haiñ vo zamāna jaane
tū ne dil itne satā.e haiñ ki jī jāntā hai
tum nahīñ jānte ab tak ye tumhāre andāz
vo mire dil meñ samā.e haiñ ki jī jāntā hai
inhīñ qadmoñ ne tumhāre inhīñ qadmoñ kī qasam
ḳhaak meñ itne milā.e haiñ ki jī jāntā hai
dostī meñ tirī dar-parda hamāre dushman
is qadar apne parā.e haiñ ki jī jāntā hai
lutf wo ishq mein pae hain ki ji jaanta hai
ranj bhi aise uThae hain ki ji jaanta hai
jo zamane ke sitam hain wo zamana jaane
tu ne dil itne satae hain ki ji jaanta hai
tum nahin jaante ab tak ye tumhaare andaz
wo mere dil mein samae hain ki ji jaanta hai
inhin qadmon ne tumhaare inhin qadmon ki qasam
KHak mein itne milae hain ki ji jaanta hai
dosti mein teri dar-parda hamare dushman
is qadar apne parae hain ki ji jaanta hai
- Book : Junoon (Pg. 39)
- Author : Naseem Muqri
- Publication : Naseem Muqri (1990)
- Edition : 1990
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
