mah-ru yan hazar ko dekha

māh-rū yaañ hazār ko dekhā

ham ne ab tak na yaar ko dekhā

umr bhar muntazir rahe us ke

raah ke intizār ko dekhā

va.ada-e-hashr log kahte haiñ

ham ne vo bhī qarār ko dekhā

koī aayā nazar na us jā bhī

jab dil-e-ġham-gusār ko dekhā

rah ga.e nā-murād duniyā meñ

kitne sar iftiḳhār ko dekhā

bāġh-e-hastī meñ surḳh-rū na hue

gul ke har ḳhaar ḳhaar ko dekhā

ganj jis jā hai us jagah 'miskīñ'

baiThe rahte haiñ maar ko dekhā

mah-ru yan hazar ko dekha

hum ne ab tak na yar ko dekha

umr bhar muntazir rahe us ke

rah ke intizar ko dekha

wada-e-hashr log kahte hain

hum ne wo bhi qarar ko dekha

koi aaya nazar na us ja bhi

jab dil-e-gham-gusar ko dekha

rah gae na-murad duniya mein

kitne sar iftiKHar ko dekha

bagh-e-hasti mein surKH-ru na hue

gul ke har KHar KHar ko dekha

ganj jis ja hai us jagah 'miskin'

baiThe rahte hain mar ko dekha