mahaul tirgi ka muqaddar baDha gaya
māhaul tīrgī kā muqaddar baḌhā gayā
ghar kā charāġh ghar ke ujāle ko khā gayā
dekhā hai ham ne jalne lagī haiñ vo bastiyāñ
jin bastiyoñ se ho ke koī rahnumā gayā
insāniyat ġharīb bhaTaktī hai dar-ba-dar
har shaḳhs apne ḳhaul-e-anā meñ samā gayā
ham ne pilāyā ḳhuun har ik inqalāb ko
ham ko hī inqalāb kā dushman kahā gayā
'rahbar' ye zindagī thī bahut mo'atabar magar
merā vajūd mujh ko tamāshā banā gayā
mahaul tirgi ka muqaddar baDha gaya
ghar ka charagh ghar ke ujale ko kha gaya
dekha hai hum ne jalne lagi hain wo bastiyan
jin bastiyon se ho ke koi rahnuma gaya
insaniyat gharib bhaTakti hai dar-ba-dar
har shaKHs apne KHaul-e-ana mein sama gaya
hum ne pilaya KHun har ek inqalab ko
hum ko hi inqalab ka dushman kaha gaya
'rahbar' ye zindagi thi bahut mo'atabar magar
mera wajud mujh ko tamasha bana gaya
- Book : Raqs-e-Qalam (Pg. 106)
- Author : Rehbar Jaunpuri
- Publication : Mohammad Tariq and Aabshar Ahmad, Shahwar Ahmad (2008)
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
