mal-o-mata-e-kucha-o-bazar bik gae

māl-o-matā-e-kūcha-o-bāzār bik ga.e

ahd-e-havas meñ sab dar-o-dīvār bik ga.e

qasr-e-shahī meñ jubba-o-dastār bik ga.e

nīlām ghar meñ qāfila-sālār bik ga.e

jins-e-vafā ke chaav meñ aa.e the sub.h-dam

bolī lagī to ḳhud bhī ḳharīdār bik ga.e

shab bhar rahī fazā meñ vafā-dāriyoñ kī guuñj

sūraj chaḌhā to saare vafādār bik ga.e

vo zor thā girānī-e-jins-e-hunar kā aaj

maiñ ḳhud bhī bik gayā mire afkār bik ga.e

hosh-o-havās qalb-o-nazar sajda-o-qayām

ai ishq tere saare hī ġham-ḳhvār bik ga.e

mal-o-mata-e-kucha-o-bazar bik gae

ahd-e-hawas mein sab dar-o-diwar bik gae

qasr-e-shahi mein jubba-o-dastar bik gae

nilam ghar mein qafila-salar bik gae

jins-e-wafa ke chaw mein aae the subh-dam

boli lagi to KHud bhi KHaridar bik gae

shab bhar rahi faza mein wafa-dariyon ki gunj

suraj chaDha to sare wafadar bik gae

wo zor tha girani-e-jins-e-hunar ka aaj

main KHud bhi bik gaya mere afkar bik gae

hosh-o-hawas qalb-o-nazar sajda-o-qayam

ai ishq tere sare hi gham-KHwar bik gae