mana ki lab-e-zaKHm duhai nahin deta

maanā ki lab-e-zaḳhm duhā.ī nahīñ detā

mahram bhī to vo dast-e-hinā.ī haiñ detā

ye jashn hai kaise ki mubārak na salāmat

aapas maiñ koī shaḳhs badhā.ī nahīñ detā

kahte nahīñ sirf us ko faqat rañj-o-ta.ab hai

kuchh lutf ye be-ābla-pā.ī nahīñ detā

naqqād ki fan-kār kā mohtāt ravayya

gunjā.ish-e-añgusht-numāī nahīñ detā

aa jaao ki ab bhiig chalīñ raat ki palkeñ

vo shaḳhs to aatā bhī dikhā.ī nahīñ detā

imkān kī had merī ho kar letā huuñ islāh

maiñ apnī ḳhatāoñ ki safā.ī nahīñ detā

lafzoñ meñ rag-āsār kā ḳhuun aa to gayā hai

lekin ye abhī saaf dikhā.ī nahīñ detā

ai 'tāj' rifāqat na sahī dukh hai to ye hai

insāf bhī ik bhaa.ī ko bhaa.ī nahīñ detā

mana ki lab-e-zaKHm duhai nahin deta

mahram bhi to wo dast-e-hinai hain deta

ye jashn hai kaise ki mubarak na salamat

aapas main koi shaKHs badhai nahin deta

kahte nahin sirf us ko faqat ranj-o-tab hai

kuchh lutf ye be-abla-pai nahin deta

naqqad ki fan-kar ka mohtat rawayya

gunjaish-e-angusht-numai nahin deta

aa jao ki ab bhig chalin raat ki palken

wo shaKHs to aata bhi dikhai nahin deta

imkan ki had meri ho kar leta hun islah

main apni KHataon ki safai nahin deta

lafzon mein rag-asar ka KHun aa to gaya hai

lekin ye abhi saf dikhai nahin deta

ai 'taj' rifaqat na sahi dukh hai to ye hai

insaf bhi ek bhai ko bhai nahin deta