mana ki teri bazm mein chand aae hue hain

maanā ki tirī bazm meñ chāñd aa.e hue haiñ

lekin vo tire sāmne gahnā.e hue haiñ

jo ham se na milne kī qasam khaa.e hue haiñ

shāyad vahī aġhyār ke bahkā.e hue haiñ

mahtāb ke hālāt bhī dekheñ to kabhī vo

is husn-e-do-roza pe jo itrā.e hue haiñ

kah do unheñ aa kar mirī jannat meñ vo bas jaa.eñ

jannat se nikāle hue jo aa.e hue haiñ

aa.egī nazar 'rāz' koī kal bhī na sīdhī

sar-tā-ba-qadam aaj vo bal khaa.e hue haiñ

mana ki teri bazm mein chand aae hue hain

lekin wo tere samne gahnae hue hain

jo hum se na milne ki qasam khae hue hain

shayad wahi aghyar ke bahkae hue hain

mahtab ke haalat bhi dekhen to kabhi wo

is husn-e-do-roza pe jo itrae hue hain

kah do unhen aa kar meri jannat mein wo bas jaen

jannat se nikale hue jo aae hue hain

aaegi nazar 'raaz' koi kal bhi na sidhi

sar-ta-ba-qadam aaj wo bal khae hue hain