mane to kis ki diwana mane

maane to kis kī dīvāna maane

jitnī zabāneñ utne fasāne

andāz us kā ahvāl merā

kuchh maiñ na samjhūñ kuchh vo na jaane

allāh re ye ḳhud-e'timādī

maiñ ab chalā huuñ un ko bulāne

gum-karda-e-rah kyā sochtā hai

chhoḌ aayā pīchhe kitne Thikāne

merī vafā kā vo mo'tarif hai

apnī ḳhatā ko maane na maane

chāho to aao chāho na aao

donoñ ke yaksāñ hiile bahāne

kuchh mere ġham se nisbat hai un ko

yaad aa rahe haiñ kitne fasāne

kyā hai 'salīm' in bātoñ kā hāsil

kis ko chalā hai tū āzmāne

mane to kis ki diwana mane

jitni zabanen utne fasane

andaz us ka ahwal mera

kuchh main na samjhun kuchh wo na jaane

allah re ye KHud-e'timadi

main ab chala hun un ko bulane

gum-karda-e-rah kya sochta hai

chhoD aaya pichhe kitne Thikane

meri wafa ka wo mo'tarif hai

apni KHata ko mane na mane

chaho to aao chaho na aao

donon ke yaksan hile bahane

kuchh mere gham se nisbat hai un ko

yaad aa rahe hain kitne fasane

kya hai 'salim' in baaton ka hasil

kis ko chala hai tu aazmane