mangen na hum bahisht na ho wan agar sharab

māñgeñ na ham bahisht na ho vaañ agar sharāb

dozaḳh meñ Daal dījiye diije magar sharāb

zāhid ke baḳht-e-bad kī hai ḳhūbī vagarna kyuuñ

chhoḌe koī sharāb kī ummīd par sharāb

tauba to ham ne kī hai par ab tak ye haal hai

paanī bhar aa.e muñh meñ dikhā deñ agar sharāb

goyā sharāb hī se bharā umr kā qadah

maut us kī ḳhuub hai jo piye umr bhar sharāb

samjhā nahīñ ki jiite haiñ murde isī tarah

chhiḌke vagarna kyuuñ vo mirī ḳhaak par sharāb

hai lutf-e-zīst ye ki vo baiThā ho rū-ba-rū

bikhre hoñ phuul idhar to dharī ho udhar sharāb

be-ḳhud kiyā jahāñ ko tirī chashm-e-mast ne

thī kaisī is pyāle meñ ai fitna-gar sharāb

chashm-e-siyāh mast nigah mast aap mast

piitā hai dil-lagī ko but-e-ishva-gar sharāb

tauba meñ ham na khā.eñge ilzām kyā huā

ik-ādh yaar pī ga.e gar bhuul kar sharāb

mangen na hum bahisht na ho wan agar sharab

dozaKH mein Dal dijiye dije magar sharab

zahid ke baKHt-e-bad ki hai KHubi wagarna kyun

chhoDe koi sharab ki ummid par sharab

tauba to hum ne ki hai par ab tak ye haal hai

pani bhar aae munh mein dikha den agar sharab

goya sharab hi se bhara umr ka qadah

maut us ki KHub hai jo piye umr bhar sharab

samjha nahin ki jite hain murde isi tarah

chhiDke wagarna kyun wo meri KHak par sharab

hai lutf-e-zist ye ki wo baiTha ho ru-ba-ru

bikhre hon phul idhar to dhari ho udhar sharab

be-KHud kiya jahan ko teri chashm-e-mast ne

thi kaisi is pyale mein ai fitna-gar sharab

chashm-e-siyah mast nigah mast aap mast

pita hai dil-lagi ko but-e-ishwa-gar sharab

tauba mein hum na khaenge ilzam kya hua

ik-adh yar pi gae gar bhul kar sharab