mangta hun KHairiyat lab par dua rakhta hun main

māñgtā huuñ ḳhairiyat lab par duā rakhtā huuñ maiñ

jaane kab vo lauT aa.e dar khulā rakhtā huuñ maiñ

jāntā huuñ us kī har nārāzgī ko maiñ magar

apne hisse kā bhī to koī gila rakhtā huuñ maiñ

vasl ho yā hijr us ke apne hoñge vasvase

us kā jo bhī faisla ho bas vafā rakhtā huuñ maiñ

us ko bhī to ġham bichhaḌne kā ye honā chāhiye

is liye us kī galī se silsila rakhtā huuñ maiñ

jo mohabbat sachchī ho to lauT ke aa jaatī hai

aaj bhī is jeb meñ us kā patā rakhtā huuñ maiñ

uljhā rahtā huuñ maiñ apne hī ḳhayāloñ meñ kahīñ

koī to ġham hai jo andar hī dabā rakhtā huuñ maiñ

laakh mushkil aa.e 'qāsid' chaltā rakhnā kārvāñ

duur hai par aañkh manzil par lagā rakhtā huuñ maiñ

mangta hun KHairiyat lab par dua rakhta hun main

jaane kab wo lauT aae dar khula rakhta hun main

jaanta hun us ki har naraazgi ko main magar

apne hisse ka bhi to koi gila rakhta hun main

wasl ho ya hijr us ke apne honge waswase

us ka jo bhi faisla ho bas wafa rakhta hun main

us ko bhi to gham bichhaDne ka ye hona chahiye

is liye us ki gali se silsila rakhta hun main

jo mohabbat sachchi ho to lauT ke aa jati hai

aaj bhi is jeb mein us ka pata rakhta hun main

uljha rahta hun main apne hi KHayalon mein kahin

koi to gham hai jo andar hi daba rakhta hun main

lakh mushkil aae 'qasid' chalta rakhna karwan

dur hai par aankh manzil par laga rakhta hun main