mani ko bhula deti hai surat hai to ye hai
ma.anī ko bhulā detī hai sūrat hai to ye hai
nature bhī sabaq siikh le zīnat hai to ye hai
kamre meñ jo hañstī huī aa.ī mis-e-ra.anā
teacher ne kahā ilm kī aafat hai to ye hai
ye baat to achchhī hai ki ulfat ho misoñ se
huur un ko samajhte haiñ qayāmat hai to ye hai
pechīda masā.il ke liye jaate haiñ england
zulfoñ meñ ulajh aate haiñ shāmat hai to ye hai
public meñ zarā haath milā lījiye mujh se
sāhab mire īmān kī qīmat hai to ye hai
mani ko bhula deti hai surat hai to ye hai
nature bhi sabaq sikh le zinat hai to ye hai
kamre mein jo hansti hui aai mis-e-rana
teacher ne kaha ilm ki aafat hai to ye hai
ye baat to achchhi hai ki ulfat ho mison se
hur un ko samajhte hain qayamat hai to ye hai
pechida masail ke liye jate hain england
zulfon mein ulajh aate hain shamat hai to ye hai
public mein zara hath mila lijiye mujh se
sahab mere iman ki qimat hai to ye hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
