mar kar tir jo wo dilbar-e-jaani mange

maar kar tiir jo vo dilbar-e-jānī māñge

kah do ham se na koī de ke nishānī māñge

ai sanam dekh ke har dam kī tirī kam-suḳhanī

maut ghabrā ke na kyuuñ ye ḳhafaqānī māñge

ḳhaak se tishna-e-dīdār ke sabza jo uThe

to zabāñ apnī nikāle hue paanī māñge

mār-e-pechāñ to balā haigā magar tū ai zulf

hai vo kāfir ki na kaaTā tirā paanī māñge

dahan-e-yār ho aur māñge kisī se dil ko

vo jo māñge to ba-andāz-e-nihānī māñge

dil mirā bosa-ba-paiġhām nahīñ hai hamdam

yaar letā hai to le apnī zabānī māñge

jalva us ālam-e-ma.anī kā jo dekhe ai 'zauq'

lutf-e-alfāz na be-husn-e-ma.ānī māñge

mar kar tir jo wo dilbar-e-jaani mange

kah do hum se na koi de ke nishani mange

ai sanam dekh ke har dam ki teri kam-suKHani

maut ghabra ke na kyun ye KHafaqani mange

KHak se tishna-e-didar ke sabza jo uThe

to zaban apni nikale hue pani mange

mar-e-pechan to bala haiga magar tu ai zulf

hai wo kafir ki na kaTa tera pani mange

dahan-e-yar ho aur mange kisi se dil ko

wo jo mange to ba-andaz-e-nihani mange

dil mera bosa-ba-paigham nahin hai hamdam

yar leta hai to le apni zabani mange

jalwa us aalam-e-mani ka jo dekhe ai 'zauq'

lutf-e-alfaz na be-husn-e-maani mange