mara is shart pe ab mujhko dobara jae

maarā is shart pe ab mujh ko dobāra jaa.e

nok-e-neza se mirā sar na utārā jaa.e

shaam se pahle kisī hijr meñ mar jā.egā

sūraj ik baar mire dil se guzārā jaa.e

us kī ye zid ki mirā qatl pas-e-parda ho

mirī ḳhvāhish mujhe bāzār meñ maarā jaa.e

us ke aane kī bhī ummīd abas lagtī hai

us ko jaanā hai to phir saare kā saarā jaa.e

maiñ zamīñ-zād huuñ ai chāñd-nagar ke baasī

is bulandī se na phir mujh ko pukārā jaa.e

maiñ bahar-shakl tire dil meñ utarnā chāhūñ

Thahre dariyā to samundar meñ kināra jaa.e

mara is shart pe ab mujh ko dobara jae

nok-e-neza se mera sar na utara jae

sham se pahle kisi hijr mein mar jaega

suraj ek bar mere dil se guzara jae

us ki ye zid ki mera qatl pas-e-parda ho

meri KHwahish mujhe bazar mein mara jae

us ke aane ki bhi ummid abas lagti hai

us ko jaana hai to phir sare ka sara jae

main zamin-zad hun ai chand-nagar ke basi

is bulandi se na phir mujh ko pukara jae

main bahar-shakl tere dil mein utarna chahun

Thahre dariya to samundar mein kinara jae