mawara-e-jahan se aae hain

māvarā-e-jahāñ se aa.e haiñ

aaj ham ḳhumsitāñ se aa.e haiñ

is qadar be-ruḳhī se baat na kar

dekh to ham kahāñ se aa.e haiñ

ham se pūchho chaman pe kyā guzrī

ham guzar kar ḳhizāñ se aa.e haiñ

rāste kho ga.e ziyāoñ meñ

ye sitāre kahāñ se aa.e haiñ

is qadar to burā nahīñ 'jālib'

mil ke ham us javāñ se aa.e haiñ

mawara-e-jahan se aae hain

aaj hum KHumsitan se aae hain

is qadar be-ruKHi se baat na kar

dekh to hum kahan se aae hain

hum se puchho chaman pe kya guzri

hum guzar kar KHizan se aae hain

raste kho gae ziyaon mein

ye sitare kahan se aae hain

is qadar to bura nahin 'jalib'

mil ke hum us jawan se aae hain