mah-jabinon ke jab payam aate

mah-jabīnoñ ke jab payām aate

ghar kahāñ ham ba-vaqt-e-shām aate

tum jo sunte to ġham sunāte tumheñ

tum bulāte to gām-gām aate

toḌā hotā mujhe salīqe se

mere TukḌe tumhāre kaam aate

ruuTh jaatī agar vo shahzādī

giit gaate hue ġhulām aate

be-zarūrat vo ham se kyoñ milte

be-sabab karne kyoñ salām aate

kabhī ham shā'iroñ kī mahfil meñ

tum bhī le kar koī kalām aate

zindagī tak to baañT dī ham ne

aur kyā ham kisī ke kaam ite

ḳhaas logoñ meñ ḳhaas rahte 'muqīm'

'aam logoñ meñ ban ke 'aam aate

mah-jabinon ke jab payam aate

ghar kahan hum ba-waqt-e-sham aate

tum jo sunte to gham sunate tumhein

tum bulate to gam-gam aate

toDa hota mujhe saliqe se

mere TukDe tumhaare kaam aate

ruTh jati agar wo shahzadi

git gate hue ghulam aate

be-zarurat wo hum se kyon milte

be-sabab karne kyon salam aate

kabhi hum sha'iron ki mahfil mein

tum bhi le kar koi kalam aate

zindagi tak to banT di hum ne

aur kya hum kisi ke kaam ite

KHas logon mein KHas rahte 'muqim'

'am logon mein ban ke 'am aate